दृष्टिविहीन विद्यार्थीलाई सहयोग

भरतपुर । नेपाल औषधि व्यवसायी संघको ४१ औं स्थापना दिवसका अवसरमा उपशाखा चितवनले नारायणी उच्च माध्यमिक विद्यालय भरतपुरका दृष्टिविहीन विद्यार्थीहरुलाई सहयोग गरेको छ ।
आवासीय रुपमा बस्दै आएका दृष्टिविहीन विद्यार्थीहरुलाई खाद्यान्न र नगद १५ हजार रूपैयाँ सहयोग गरेको नेपाल औषधि व्यवसायी संघ चितवन उपशाखाका निवर्तमान अध्यक्ष हिरामान महर्जनले जानकारी दिनुभयो । संघले सामाजिक क्षेत्रमा सहयोग पु¥याउने कार्ययोजनाअनुसार दृष्टिविहीन विद्यार्थीहरुलाई सहयोग गरिएको महर्जनले बताउनुभयो ।
कार्यक्रममा विद्यालयका प्राचार्य पूर्णप्रसाद दवाडीले सरकारले उपलब्ध गराएको रकमबाट आवासीय व्यवस्थापन गर्न नसकिएकाले सामाजिक संघसंस्थाको सहयोग जुटाउन बाध्य हुनुपरेको बताउनुभयो । उपशाखा चितवनका अध्यक्ष शिवप्रसाद पंडितको अध्यक्षतामा भएको सहयोग हस्तान्तरण कार्यक्रममा संयोजक बद्रिप्रसाद खनाल, महासचिव ईश्वरकुमार भण्डारीलगायतले बोल्नुभएको थियो ।