‘लागूऔषध प्रयोग अपराध होइन’

भरतपुर । लागूऔषध प्रयोग नियन्त्रणको क्षेत्रमा काम गरिरहेका संस्थाहरुले लागूऔषध प्रयोगकर्तालाई हेर्ने सामाजिक दृष्टिकोण अझै परिवर्तन नभएको भनी गुनासो गरेका छन् । मंगलबार भरतपुरमा भएको छलफल कार्यक्रममा लागूऔषध प्रयोग र पुनसर््ंथापनाको क्षेत्रमा काम गर्दै आउनुभएका विनोद शर्माले यसलाई रोगभन्दा पनि अपराधको रुपमा लिइएकोले गलत मान्यता बसेको बताउनुभयो ।
त्यस्तै सर्पोट एण्ड केयर नेपालका दीपक पौडेलले आफ्ना बाबुनानीलाई कुलतबाट जोगाउन अभिभावक नै बढी जिम्मेवार हुनुपर्ने बताउनुभयो । नेपालमैत्री समाजका वीरेन्द्र पौडेलले लागूऔषध प्रयोग न्यूनीकरणका लागि विभिन्न सचेतनामूलक काम भइरहेको बताउनुभयो । २०६९ मा प्रकाशित तथ्यांकअनुसार चितवनमा पुरूष ४ हजार १९९ र महिला ३१६ लागूऔषध प्रयोगकर्ता रहेको पत्ता लागेको थियो । लागूऔषध दुरूपयोग तथा अवैध ओसारपसारविरूद्धको अन्तर्राष्ट्रिय दिवस जुन २६ का दिन विभिन्न कार्यक्रम गरी मनाइने भएको छ । चितवनमा सप्ताहव्यापी कार्यक्रम नै आयोजना गरिएको छ । भोलि बिहीबार जुन २६ का दिन अन्तक्र्रिया र पुरस्कार वितरण कार्यक्रम राखिएको छ  ।