भरतपुर । नेकपा एमालेको तर्फबाट उपनिर्वाचनमा उम्मेदवार रहनुभएकी दिलकुमारी रावल (पार्वती)ले चुनावको समयमा सहयोग गर्ने सबैप्रति आभार प्रकट गर्नुभएको छ । सोमबार भरतपुरमा पत्रकार सम्मेलन गरी नेता रावलले आफूलाई अत्यधिक भोट दिई हौसला बढाउनु हुने सबैप्रति आभार प्रकट गर्नुभएको हो ।
जनताको अमूल्य मतको ऋणी भएको उहाँको भनाइ थियो । साथै उहाँले चुनाव सकिएपनि आफू यस क्षेत्रका जनतासँग हरपल साथमा रहने बताउनुभयो । गत ८ गते भएको उपनिर्वाचनमा रावलले कुल १७ हजार २७२ मत ल्याउनुभएको थियो । जुन विजयी उम्मेदवारभन्दा तीन हजार जतिले कम हो ।
उहाँले विजयी उम्मेदवार नपाली काँग्रेसका रामकृष्ण घिमिरेलाई बधाइ ज्ञापन गर्दै संविधान निर्माण प्रक्रियामा सफलता मिलोस् भन्दै शुभकामना व्यक्त गर्नुभएको छ । कार्यक्रममा नेकपा एमाले राष्ट्रिय प्रतिनिधि परिषद् सदस्य विजय सुवेदी र क्षेत्र नं. ४ का क्षेत्रीय अध्यक्ष बच्चुराम भट्टराईले पनि बोल्नुभएको थियो ।
Discussion about this post