काठमाडौँ । प्रधानमन्त्री केपी ओलीले सर्वोच्च अदालतलाई नै प्रभाव पार्ने दुष्प्रयास गरेको आरोप लगाउँदै मानवअधिकार तथा शान्ति समाजले प्रधानमन्त्री निवास बालुवाटारमा विरोध प्रदर्शन गरेको छ ।
सोमबार दिउँसो १२ बजे गरिएको प्रदर्शनका क्रममा सशभागीहरुले ओलीको कीर्ते तन्त्र, अदालतलाई प्रभाव पार्न खोजिएको दुष्प्रयास, राज्य संयन्त्रको दुरुपयोग तथा आपत्तिजनक अभिव्यक्ति बन्द गर्नुपर्ने माग राखेका थिए ।
बालुवाटारमा प्रदर्शन गर्ने समाजका संस्थापक सभापति कृष्ण पहाडीसहित २६ जना अधिकारकर्मीलाई प्रहरीले नियन्त्रणमा लिएको छ ।
पक्राउ पर्नेहरुमा सभापति उत्तम पुडासैनी, संस्थापक सदस्य कृष्ण कँडेल, सचिव बलबहादुर गाहा मगर, कोषाध्यक्ष रामकृष्ण बराल, केन्द्रीय सदस्य नम्रता खरेल, ललितपुर शाखा सभापति चन्द्रमणि बञ्जारा, काठमाडौँ शाखा सभापति जगन्नाथ पुडासैनी, अधिकारकर्मीहरु रामचन्द्र खतिवडा, सुरज बोहरा, ईश्वर पुडासैनी, रमेश बराल, पुरुषोत्तम घिमिरे, उमा गौतम, माया भट्टराई, लक्ष्मी राना, सानु लामालगायत छन् ।
Discussion about this post