वक्तृत्वकलामा जिया प्रथम

शिवनगर । संस्थागत विद्यालय अर्गनाइजेसन चितवनको अयोजना तथा ज्ञानज्योति इङ्लिस स्कुल शिवनगरको समन्वयमा सम्पन्न अन्तरविद्यालय वक्तृत्वकला प्रतियोगितामा उषा इङ्लिस स्कुलका छात्रा जिया मल्ल प्रथम भएकी छन् ।
सो प्रतियोगितामा सोही विद्यालयकै छात्र सफल भूषाल द्वितीय, न्यू भिजन इङ्लिस स्कुलका छात्र स्वप्निल अधिकारी तृतीय साथै बाल विकास इङ्लिस स्कुलका छात्र उत्सव न्यौपानेले सान्त्वना स्थान प्राप्त गर्न सफल भएका छन् ।
प्याब्सन चितवनका वरिष्ठ उपाध्यक्ष कीर्तिनिधि अर्यालको प्रमुख आतिथ्यतामा सम्पन्न कार्यक्रममा प्याब्सन चितवनका सहसचिव भानु अर्याल, मेट्रो प्याब्सन भरतपुरका उपाध्यक्ष ईश्वरबहादुर अधिकारी, मेट्रो प्याब्सन भरतपुरका सहकोषाध्यक्ष प्रशान्त गिरी, आइएसओ चितवनका सचिव नरेश ढकाल, ज्ञानज्योति इङ्लिस स्कुलका पिटिए अध्यक्ष होमबहादुर भण्डारी, प्रबन्ध निर्देशक बुद्धि चापागाईं एवं प्राचार्य गणेश पुरीलगायतले शुभकामना मन्तव्य दिएका थिए ।
आइएसओ चितवनका संयोजक वेदनिधि अर्यालको अध्यक्षतामा कार्यक्रम सम्पन्न भएको थियो ।