तिम्रो यादले नसताउने कहीँ कुनै ठाउँ छैन
छातीभित्रभित्र दुख्छ छाम्दा कतै घाउ छैन
तिम्रै यादमा जल्दैजल्दै बितेका छन पलहरु
नाता थियो मनमुटुको छोडी अन्त जाऊँ छैन
यो जिन्दगीको गोरेटोमा एक्लैएक्लै बरालिन्छु
तिमीसँग हाँस्ने रम्ने यहाँ सुन्दर गाउँ छैन
एक मुठी खुसी खोज्दै भौँतारिएकै छ जीवन
नुनसरी बिक्छन् यहाँ साँचो प्रीतको भाउ छैन
कस्तो कस्तो खेल यहाँ समयले खेलिरह्यो
जिन्दगी छ सागरबीच पार तर्ने नाउ छैन
Discussion about this post