खैरहनी माघ ९ गते । चितवनको खैरहनी नगरपालिका १३ का वडा अध्यक्ष बालकुमार उप्रेतीको शुक्रबार साँझ निधन भएको छ । प्रेसर लो भएर अस्पतालमा उपचाररत उनको शुक्रबार साँझ पौने ८ बजेतिर निधन भएको हो । प्रेसर लो भइ चितवन मेडिकल कलेजमा उपचारका क्रममा स्वास्थ्यमा सुधार भए पनि साँझ खाना खाने क्रममा सर्किएर निधन भएको खैरहनी १२ का वडा अध्यक्ष टिकाराम तिमल्सिनाले जानकारी दिए । प्रेसर लो भएर उनी बेहोस भए पछि अस्पताल लगिएको थियो । स्वर्गीय उप्रेती मुटुको समस्याबाट पनि पिडित थिए । स्थानीय तहको निर्वाचनमा ५६ बर्षीय उप्रेती नेपाली काङ्ग्रेसबाट निर्वाचित भएका थिए । उप्रेतीका श्रीमती ,तीन छोरा छन् । उप्रेतीको भोलि शनिबार अन्तिम दाहसंस्कार गरिने जनाइएको छ ।
वडा अध्यक्ष उप्रेतीको निधन प्रति नगर प्रमुख लालमणि चौधरीले दुख व्यक्त गर्दै भोलि शनिबारका लागि तय भएको आठौं नगर सभा अर्को सूचना जारी नभए सम्मका लागि स्थगित भएको जानकारी दिए ।
Discussion about this post