भरतपुर । कालिका नगरपालिका ११ रन्तेसका १२ वर्षीय सामेल चेपाङ रुखबाट लडेर दुवै हात भाँचिएको छ । माघ १ गते घाँस काट्नका लागि रुख चढ्दा लडेका उनलाई हाल उपचारका लागि भरतपुर अस्पतालमा राखिएको छ । दुवै हात भाँचिएका उनको उपचारमा पैसा अभाव भएको भन्दै अभिभावकले सहयोगको आग्रह गरेका छन् ।
जाउलो किनेर खाने पैसा पनि छैन कसरी उपचार गर्नु, सामेलका वुवा वाइसलाल चेपाङले भने, ‘पूरै उपचार नपाई घर जाउँ जस्तो भइसक्यो ।’ हालसम्म साथीभाइको सहयोगमा खाना र उपचार खर्च जुटाएको उनले बताए ।
चेपाङ जाति भएको हिसावले अस्पतालको सामाजिक सुरक्षा शाखाबाट पाउने निःशुल्क औषधि र सेवा पाए पनि कतिपय औषधिहरु पैसा तिरेर किन्नुपर्ने भएकाले समस्या भएको वाइसलालले बताए । वाइसलाल आफू पनि शारीरिक रुपमा अशक्त छन् ।
Discussion about this post