कावासोतीमा भेट्रान्स फुटबल प्रतियोगिता सुरू

नवलपरासी । वल्ड स्टार क्लब कावासोती नवलपुरको आयोजनामा शनिबारदेखि दोस्रो जिल्लास्तरीय भेट्रान्स फुटबल प्रतियोगिता सुरू भएको छ । शनिबारको उद्घाटन खेलमा आयोजक ‘बी’लाई अभिशेख चर्च रहजरले २–० गोलको अन्तरले पराजित गरेको छ ।
प्रतियोगिताको जिल्ला फुटबल संघ नवलपुरका अध्यक्ष एवं केन्द्रीय सदस्य सेतमान पुनले उद्घाटन गरेका थिए । प्रतियोगितामा १० टिमको सहभागिता रहेको आयोजक क्लबका गणेश श्रेष्ठले जानकारी दिए । प्रतियोगितामा आइतबार आयोजक ‘ए’ र बिहानी युवा क्लब कावासोती–१० मगरकोटबीच प्रतियोगिता हुने आयोजकले जनाएको छ ।
उद्घाटन कार्यक्रम क्लबका अध्यक्ष मेगराज नेपालको अध्यक्षतामा भएको थियो । त्यसैगरी शनिबार नै ग्यालेन गोर्खा ट्रेनिङ सेन्टर र एलिट ट्रेनिङ सेन्टरबीच भएको मैत्रीपूर्ण फुटबल प्रतियोगितामा ४–० गोल अन्तरले एलिट ट्रेनिङ सेन्टर विजयी भएको छ ।