एमाओवादीको चुनावी अभियान तीव्र

भरतपुर । एकीकृत नेकपा माओवादी चितवनले क्षेत्र ४ का उम्मेदवार खुसीराम पाख्रिनलाई जिताउन घरदैलो र कोणसभा गरी आफ्ना उम्मेद्वारलाई जिताउन आह्वान गरेको छ । सोमबारदेखि भरतपुर नगरपालिका क्षेत्रमा प्रवेश गरेको उम्मेद्वारसहितको घरदैलोपछि यहाँ एमाओवादीको पक्षमा जनलहर सिर्जना भएको एमाओवादीको दावी छ ।
एमाओवादी उम्मेद्वार खुशीराम पाख्रिनलाई जिताउन एमाओवादीले मंगलबार सात ठाउँमा कोणसभा र घरदैलो गरेको छ । प्रचारप्रसार संयोजक चित्रबहादुर श्रेष्ठले दिएको जानकारीअनुसार गौरीगञ्ज, पीपलचोक, पारसनगर, चौराली चोक, पाँडे घुम्ती, रहर घुम्ती, बनदेवी चोक र बाइस विघा चोकमा कोणसभा सम्पन्न भएका छन् ।
त्यस्तै सोमबार बिहान भरतपुर ७ कृष्णपुरको कटहर चोकमा आयोजित कोणसभामा उम्मेद्वार खुशीरामले आफूलाई जनताले जिताउने दावी गर्नुभयो ।
एमाओवादी भरतपुर वडा नम्बर ७ का अध्यक्ष शिव भट्टराईको अध्यक्षतामा सम्पन्न कार्यक्रममा बाम बुद्धिजीवी प्रेम रिमालले कांग्रेस एमाले २०४६ सालको संविधान व्यूताएर दीपावली गर्ने तयारी गर्दै गरेको अरोप लगाए ।
त्यस्तै एमाओवादीले क्यान्सर गेट चोक, टाइगर चोक, अन्नपूर्ण चोक, मस्याङ्दी टोल र मध्यविन्दु चोकमा कोणसभा गरिएका थिए । कोणसभामा एमाओवादी ताम्सालिङ राज्य इन्चार्ज नारायणप्रसाद दाहाल, जिल्ला इन्र्चाज ईश्वरी भट्टराई, पूर्व जिल्ला संयोजक घनश्याम दाहाललगायतले बोलेका थिए । यसैगरी निर्वाचनलाई मध्यनगर गर्दै मंगलपुर गाविसस्तरीय वाईसिएल भेला गरिएको छ फूलबारी गाविसमा महिला ¥याली र चुनावी सभा गरिएको थियो । गीतानगर, पटिहानी, शिवनगर गाविसका विभिन्न स्थानहरुमा घरदैलो कार्यक्रमलाई निरन्तरता दिइएको छ ।