फेन्सी व्यवसायी संघ चितवनको पद हस्तान्तरण

नारायणगढ । फेन्सी व्यवसायी संघ चितवनले नयाँ नेतृत्वलाई सोमबार पद हस्तान्तरण गरेको छ । केही दिनअघि उद्योग वाणिज्य संघमा भएको ३२औँ वार्षिक साधारण सभा तथा १७औँ अधिवेशनबाट निर्वाचित नयाँ पदाधिकारीसहितको कार्यसमिति सदस्यहरुलाई सोमबार पद हस्तान्तरण गरिएको हो ।
उक्त अधिवेशनबाट अध्यक्षमा माधवप्रसाद अधिकारी, वरिष्ठ उपाध्यक्षमा यमप्रसाद घिमिरे, उपाध्यक्षमा रामप्रसाद पौडेल, सचिवमा सन्तोष पाण्डे, कोषाध्यक्षमा डिलाराम खरेल, सदस्यहरुमा मनिराम सापकोटा, दीननाथ दवाडी, विष्णुप्रसाद सापकोटा, रमेशप्रसाद गुप्ता, दर्शन पौडेल, सानकाजी श्रेष्ठ, विश्वराज न्यौपाने, लक्ष्मण भण्डारी, मीना बसेल तिवारी, सन्तोष पण्डित, निर्मल कँडेल, गोकुलमान श्रेष्ठ र मसेवराती हुसेन निर्वाचित भएका थिए ।
नवनिर्वाचित कार्यसमितिलाई संघका कानुनी सल्लाहकार अधिवक्ता गोपीलाल देवकोटाले शपथ ग्रहण गराएका थिए । नवनिर्वाचित अध्यक्ष अधिकारीले नयाँ नेतृत्वले पुरानो नेतृत्वले गर्दागर्दैको अधुरा कामलाई पूर्णता दिने विश्वास दिलाए । हाल निवर्तमान बनेको कार्यसमितिले बनाएको कोषलाई बढाएर कम्तीमा २५ लाख रूपैयाँसम्म पु¥याउने प्रतिबद्धता जनाए । व्यवसायी संघमा आबद्ध सदस्यहरुको हरेक समस्यामा सहयोगी भूमिका निर्वाह गर्न संघले जुनसुकै कदम चाल्न पनि पछि नपर्ने उनको भनाइ छ । यसअघि फेन्सी साकोसका नवनिर्वाचित कार्यसमितिलाई समेत स्वागत तथा पुरानो कार्यसमितिलाई बिदाइ गरिएको थियो ।