रत्ननगर । एक बर्ष अघि निर्बाचन आयोगमा दर्ता भएको नेपाल राष्ट्रिय सनातन पार्टीको चितवनमा जिल्ला समिति गठन गरिएको छ । पूर्वी चितवनको खैरहनीमा जिल्ला स्तरीय भेलाको आयोजना गरी सुमन उप्रेतीको अध्यक्षतामा पार्टीको जिल्ला समिति गठन गरिएको हो ।
१५ सदस्यीय जिल्ला समितिको उपाध्यक्षमा दीपक रेग्मी,सचिवमा शिबहरी न्यौपाने,कोषाध्यक्षमा सरस्वती खड्का चयन भएका छन । पार्टीको जिल्ला सदस्यमा टंक प्रसाद घिमिरे,भगवान श्रेष्ठ,विष्णु प्रसाद शिवाकोटी,कृष्णराम सेढाई,शिबकान्त मैनाली,चेतप्रसाद खरेल,चर्तुभूज तिमिल्सिजा,होमनाथ भण्डारी,गणेश नेपाल,एकराज शिवाकोटी र कलावती चापागाई चयन भएका छन ।
पार्टीका केन्द्रीय अध्यक्ष गोविन्द प्रसाद रिजालले जिल्ला समितिका पदाधिकारी तथा सदस्यहरुलाई पद तथा गोपनियताको सपथग्रहण गराएका छन । सो अबसरमा केन्द्रीय अध्यक्ष रिजालले प्रचिनकाल देखि मान्दै आएको सनातन हिन्दु धर्मको संरक्षण गर्दै नेपालमा हिन्दु राज्य कायम गराउने उद्देश्यले नेपाल राष्ट्रिय सनातन पार्टीको जन्म भएको बताए।
जिल्ला अध्यक्ष सुमन उप्रेतीको अध्यक्षतामा भएको भेलामा पार्टीका केन्द्रीय महासचिव गणेश घिमिरे,केन्द्रीय सदस्यहरु भिमराज सेढाई,रत्नकुमारी ढकाल,समाजसेवीहरु गुणबहादुर विसुराल,महादेब विसुराल र रामप्रसाद सेढाइले मन्तव्य राखेका थिए ।
Discussion about this post