‘क्षेत्र नंं ४ लाई कोइरालाले धोका दिए’

भरतपुर । नेकपा एमालेका केन्द्रीय सदस्य एवम् पूर्व ऊर्जा मन्त्री गोकर्ण विष्टले काँग्रेसका सभापति एवम् वर्तमान प्रधानमन्त्री सुशील कोइरालाले चितवन छाडेर यहाँका जनतालाई धोका भएको आरोप लगाउनुभएको छ । चितवनको क्षेत्र नम्बर ४ लाई एमालेको विशेष मह¤वका साथ हेरेको भन्दै उहाँले ‘खोला त¥यो लौरो बिर्सियो’ भनेझैँ विगतका विजेताहरुले चितवन ४ लाई हेँला गरेको अनुभूति एमालेलाई भएको बताउनुभयो ।
मंगलपुरको विजयनगरमा सोमबार आयोजित चुनावी सभालाई सम्बोधन गर्दै एमाले नेता विष्टले चितवनको क्षेत्र नम्बर ४ को विकासका लागि महिला नेत्री पार्वती रावललाई यस पटक विजयी गराएर मन्त्री बनाउने प्रतिबद्धता व्यक्त गर्नुभएको छ । युवा, महिला, दलित, जनजाति सबैको साझा उम्मेदवारका रुपमा पार्वती रावललाई पार्टीले अघि सारेको उहाँले बताउनुभयो ।
पार्वती रावल देशकै प्रतिभाशाली युवा महिला नेत्री भएकाले क्षेत्र नम्बर ४ को विकासमा सहयोग पु¥याउन मन्त्री बनाइ छाड्ने अठोट व्यक्त गर्नुभयो । ‘केन्द्रमा जाने रहर नगरी क्षेत्रमै मरिमेटेर जनताको सेवामा लाग्ने प्रतिभाशाली महिलालाई मन्त्री बनाउन मैले पार्टीमा प्रस्ताव गर्नेछु, यसलाई पार्टीले सर्वसम्मत स्वीकार्ने छ’, विष्टले भन्नुभयो ।
नारायणी नदीमा तटबन्ध गर्ने कार्यक्रम एमालेबाट अर्थमन्त्री भएका सुरेन्द्र पाण्डेले ल्याएको जिकिर गर्दै नेता विष्टले रसुवादेखि माडी–ठोरीसम्मको सडक र स्वर्गीय मदन भण्डारीको शव फेला परेको स्थान गुञ्जनगरको गाजीपुरलाई व्यवस्थित ढंगले विकास गर्ने योजना एमालेले ल्याउन लागेको बताउनुभयो ।
कार्यक्रममा एमाले नेत्री रामकुमारी झाँक्रीले पार्वती रावललाई जिताएर महिलालाई दास सम्झनेहरुलाई जवाफ दिनुपर्ने आवश्यकता रहेको बताउनुभयो । उहाँले क्षेत्र नम्बर चारका सम्पूर्ण महिलाहरुलाई सशक्त महिला उम्मेदवार पार्वती रावलको पक्षमा एकजुट हुन आह्वान पनि गर्नुभयो ।
कार्यक्रममा एमाले केन्द्रीय सदस्य एकबहादुर रानामगरले जनजातिको अधिकारको स्थापनाको पक्षमा रहेको एमाले पार्टीले अघि सारेको महिला उम्मेदवारलाई सहयोग गर्न सबै जनजाति तयार रहेको स्पष्ट पार्नुभयो ।
कार्यक्रममा चितवन क्षेत्र नम्बर ४ का उम्मेदवार पार्वती रावलले पूर्वी चितवनको तुलनामा पश्चिम चितवन विकासमा ठगिएको बताउँदै यसको खाडल आफूले पुर्ने प्रतिबद्धता ब्यक्त गर्नुभयो ।
कार्यक्रममा एमाले केन्द्रीय सल्लाहकार सुरेश कार्की, एमाले मंगलपुर गाउँ कमिटीका अध्यक्ष बद्री चापागाईंले मन्तव्य राख्नुभयो ।
कार्यक्रममा एमाले केन्द्रीय सदस्यहरु देवी ज्ञवाली, झिल्लु तिवारी, जिल्ला अध्यक्ष जगन्नाथ थपलिया, जिल्ला नेता विजय सुवेदीलगायत सहभागी हुनुहुन्थ्यो । नेकपा एमालेले चितवनको क्षेत्र नम्बर ४ मा विजयनगर, शरदपुर, गीतानगर र चनौलीमा चुनावी सभा सम्पन्न गरेको जिल्ला प्रचार विभाग प्रमुख अरुण पीडित भण्डारीले जानकारी दिनुभयो ।