यसबीच कुष्ठरोग प्रभावित व्यक्तिहरुको सहजीकरणको लागि रत्ननगर अस्पतालमा सामुदायिक कुष्ठरोग रेफरल क्लिनिक तथा असर्मथता बचावट केन्द्र सञ्चालन गरिने भएको छ ।
जिल्ला जनस्वाथ्य कार्यालय चितवनमार्फत असार १ गतेबाट रत्ननगर अस्पतालमा सो केन्द्र सञ्चालन गर्न लागिएको हो । कुष्ठरोगीको अवस्थाका बारेमा निगरानी गर्ने, उनीहरुको समस्या समाधान गर्ने र अङ्गभङ्ग हुन नदिन अपनाउनुपर्ने विषयमा सहजीकरण गर्न केन्द्र सञ्चालन गर्न लागिएको हो ।
रत्ननगरसँग जोडिएका गाविसहरु बछौली, जुटपानी, पदमपुर, शक्तिखोर, पिठुवा, खैरहनी नगरपालिका, कठार, पिप्ले, लोथर गाविसलाई लक्षित गरी केन्द्र सञ्चालन गर्न लागिएको जिल्ला जनस्वाथ्य कार्यालयका क्षयकुष्ठ अधिकृत जयराम दुवाडीले बताउनुभयो ।
Discussion about this post