जिल्लाभरका बोर्डिङ बन्द

नारायणगढ । नेपाल इस्टुले तलव वृद्धिको मागमो सोमबार जिल्लाभरका बोर्डिङ विद्यालयहरु बन्द ग¥यो । जिल्ला शिक्षा कार्यालयले बन्द नगर्न निर्देशन दिए पनि त्यसलाई इस्टुले लत्याइदिएको छ ।
जिल्ला शिक्षा अधिकारी रमाकान्त शर्माले सार्वजनिक सूचना नै जारी गरेर विद्यालय बन्द नगर्न र भएका समस्या छलफलद्वारा समाधान गर्न आग्रह गरे पनि त्यसलाई संस्थागत विद्यालयमा पढाउने शिक्षकहरुले तुहाइदिएका छन् ।
विद्यालय बन्द हुँदा सुनौलो भविष्य कोर्न लागेका लाखौं विद्यार्थीहरु मारमा परेका छन् । चर्को शुल्क बुझाउँदै आएका अभिभावकहरु विद्यालय बन्द हुँदा आफ्नो सन्तानको भविष्यमाथि ठूलो खेलवाड् भएको बताउँछन् ।
आफ्नो संगठन शिक्षकहरुको हकहितमा लागेको दावी गर्दै आएको इस्टु नेपालले बन्दको विरोध गरेको छ । उसले विद्यालय सञ्चालन गर्न आग्रह गर्दै नेपाल इस्टु वैधानिक नरहेको समेत दावी गर्छ ।
दुवै संगठनको भूमरीमा यतिबेला विद्यार्थी र अभिभावक परेका छन् । ‘दुवै संगठनमा राजनीति छिरेको छ, जसले जे मन लाग्छ, त्यही गर्छन् यहाँ, ती संगठनलाई आफूलाई राजनेता भन्नेहरुले चलाएका छन्’ एक अभिभावकले भने, ‘शिक्षामा राजनीति छिर्दा हामी मारमा प¥यौँ ।
नेपाल इस्टुले माग पूरा नभएसम्म आन्दोलन जारी राख्ने बताउँछन् । भोको पेटमा अर्कोको छोरोछोरीको भविष्य कसरी कोर्न सकिन्छ भन्ने जवाफ बन्द कर्ताहरुले दिएका छन् ।
शिक्षा नियमावली, २०५९ संशोधनसहितको नियम ८५ तथा नियम १३३ को उपनियम १ खण्ड (ञ) अनुसार उल्लेख गरिएको बाहेक विद्यालय सञ्चालन गर्नुपर्ने र बन्द गर्न नपाइने नियम छ । यस नियमलाई ख्याल नगरी बन्द गर्न मिल्दैन, वार्ताबाट समाधान गर्नुपर्छ भन्दै जिल्ला शिक्षा अधिकारी रमाकान्त शर्माले वार्तामा बस्न आह्वान गर्नुभएको छ । माग पूरा नभएसम्म नेपाल इस्टुका अध्यक्ष विष्णुबहादुर भुजेलले बन्द जारी रहने बताउँछन् ।
नेपाल इस्टुका सहसचिव सागर अधिकारीले अधिकारीको कुरालाई स्वीकार्नु भएको छैन । सोमबार राति ७ः३० बज्दा उहाँले भन्नुभयो, ‘अहिलेसम्म वार्तामा बोलाएको छैन, अब आज (सोमबार) बोलाइएन, भोलि (आज मंगलबार) पनि बन्द यथावत् रहन्छ’ अधिकारीले चितवन पोष्टलाई भने ।
आइतबार प्याव्सनसँग वार्ता बसे पनि विनानिष्कर्ष टुङ्गिएको थियो । विद्यार्थीको शुल्क नबढाइ तलव वृद्धि गर्न नसक्ने प्याव्सनको धारणा छ । प्याव्सनलाई शुल्क वृद्धि गर्दा अभिभावकको विरोध आउने डर पनि छ । विगतमा भएको सहमतिसमेत कार्यान्वयन नभएको आरोप नेपाल इस्टुले लगाएको छ । गत सालको मंसिरदेखि वृद्धि भएको तलबभत्ता नपाएकोले बाध्य भएर आन्दोलन गर्नु परेको नेपाल इस्टुले बताएको छ ।
विद्यालय बन्द हुँदा चितवनका १५५ वटा विद्यालयका ७० हजार विद्यार्थी पढ्नबाट वञ्चित भएका छन् ।