‘यो मेरो मायाको कथा’को विमोचन

रत्ननगर । पूर्वी चितवनको रत्ननगर घर भई हाल फिनल्याण्डमा बस्दै आएका सन्तोष कलवारले प्रकाशन गरेको ‘यो मेरो मायाको कथा’ नामक पुस्तक सोमबार विमोचन गरिएको छ ।
अंग्रेजीमा लेखिएको सो पुस्तकको रत्ननगरमा भएको एक कार्यक्रमकाबीच साहियत्यकार रामबाबु घिमिरेले विमोचन गर्नुभयो । पुस्तक वाल्मीकि साहित्य सदनमार्फत विमोचन गरिएको हो ।
विगत पाँच वर्षदेखिको मेहनतबाट तयार गरिएको १८४ पृष्ठको सो पुस्तकमा प्रेममा असफलता भएपछि नैरश्यता हुनेलाई पुनः उज्यालोतर्फ डो¥याउने सन्देश दिन खोजिएको पुस्तकका लेखक कलवारले बताउनुभयो । पुस्तक विमोचन कार्यक्रम कार्यक्रम संयोजक निरञ्जन दर्नालको अध्यक्षतामा भएको थियो ।