विद्यालय बन्द नगर्न आग्रह

भरतपुर । शिक्षक कर्मचारीको तलव वृद्धिको माग गर्दै नेपाल इस्टुले आज सोमबारदेखि गर्ने भनिएको बन्दप्रति जिल्ला शिक्षा कार्यालयले ध्यानाकर्षण भएको जनाएको छ ।
जिल्ला शिक्षा अधिकारी रमाकान्त शर्माले विज्ञप्ति निकालेर विद्यालय शान्ति क्षेत्र भएको र नियममा भनिएको बाहेक अरु दिन विद्यालय बन्द गर्न नपाइने भएको हुँदा विद्यालय सञ्चालन गर्न सवैमा अनुरोध गरिएको छ । विज्ञप्तिमा शिक्षा क्षेत्रमा देखिएका समस्याहरुलाई आपसी छलफल र समझदारीबाट समाधान खोज्न आग्रह गरिएको छ ।