भरतपुर । राष्ट्रिय खेलकुद परिषद्का नवनियुक्त बोर्ड सदस्यहरुले खेलकुदमार्फत चितवनलाई चिनाउन ढिला भएको भनी चिन्ता व्यक्त गरेका छन् । बोर्ड सदस्य गोविन्द भट्टराईले आर्थिक, राजनीतिक, पर्यटकीय केन्द्रको रुपमा रहेको यस जिल्लामा खेलकुदलाई उच्च प्राथमिकता दिनुपर्नेमा कसैको पनि ध्यान नपुग्नु दुःखको विषय भएको बताए ।
हाल निर्माण भइरहेको गौतमबुद्ध अन्तर्राष्ट्रिय क्रिकेट रङ्गशाला एउटा गहनाको रुपमा रहे पनि अन्य खेलकुदका भौतिक पूर्वाधार विकासमा जोड दिनुपर्ने सदस्य भट्टराईको भनाइ छ । ‘चितवनमा विभिन्न खेलकुद गर्न÷गराउन मिल्ने पूर्वाधार तयार गर्न सकिन्छ’, सदस्य भट्टराईले भने, ‘धेरै संरचना बनाएर निष्क्रिय हुनुभन्दा केही प्रतिनिधिमूलक र मह¤वपूर्ण पूर्वाधार तयार पारी सक्रिय हुनु राम्रो हुन्छ ।’ चितवनमा साहसिक र पर्यटकीय गतिविधिसँग जोडेर खेलहरु सञ्चालन गर्न सकिने सुझाव दिँदै उनले यसका लागि इच्छाशक्ति नै मह¤वपूर्ण विषय भएको बताए ।
दुई सय बढी खेलकुद कार्यक्रमहरु रहेको भन्दै उनले खेलको संख्या कम गराउनु पनि आजको आवश्यकता रहेको बताए । देश संघीयतामा गएसँगै खेलकुदका संरचनाहरु पनि संघीयतामैत्री भएकाले यसमा कुनै अप्ठेरो नमान्न चितवनबाटै बोर्डमा प्रतिनिधित्व गरेको सदस्य सुवास श्रेष्ठले आग्रह गरे ।
चितवनमा नयाँ योजना
खेलकुदको भौतिक पूर्वाधार विकासका लागि जिल्लामा नयाँ योजनाहरु अघि सारिएको बोर्ड सदस्य भट्टराईले बताए । रत्ननगर सौराहाआसपास गल्फ कोर्स, बेस र सफ्ट बल खेल मैदान बनाउन आफूहरुले गृहकार्य थालेको बोर्डका अर्का सदस्य सुवास श्रेष्ठले बताए ।
नवनियुक्त बोर्ड सदस्यहरु सुवास श्रेष्ठ र गोविन्द भट्टराई चितवन जिल्लावासी हुन् । चितवन जिल्लाबाट प्रतिनिधित्व गरेकोमा जिल्ला खेलकुद विकास समिति चितवनले मंगलबार उनीहरुलाई स्वागत एवम् सम्मान गरेको छ । समितिको कार्यालय भरतपुरमा आयोजित कार्यक्रममा बोल्दै कार्यालय प्रमुख रामजी ढकालले खेलकुदको विकासका लागि माथिल्लो तहका नीति निर्माता र संघसंगठनका व्यक्तिहरु नै बढी जिम्मेवार हुनुपर्ने बताए ।
Discussion about this post