ढाँटेर भै सज्जन

– जीवनहरि शमा
(छन्द ः शार्दूलविक्रीडित)
केको भाषण गर्दछौ ठूलोठूलो चर्काे स्वरै झिक्दछौ
पाहुनाहरुको इसारा भरमा कोको यहाँ पर्दछौ
भेँडाभेँडी र बाख्री यी हजुरका बोका नहोऊन् जन
नेपाली जनताबीचै बस तिमी ढाँटेर भै सज्जन ।।
दिन्छु सुख्ख र शान्ति यै मुलुकमा भन्थ्यौ बडा जोडले
मै ठूलो गतिलो अरु सब झिना भुक्छौ अति तोडले
सत्ता लोलुप भै यसै बसिरहू साँच्चै रिसाए जन
नेपाली जनताबीचै बस तिमी ढाँटेर भै सज्जन ।।
जनता मर्दछ भोकले जहीँतहीँ जहाजमाथि बस
काकाकुल भयौँ छहारी गगनै ओच्छ्यान भुइँ रछ
नेपाली वीरता कतातिर गयो नेपाली कुल्ली भन
दिएनौ कति काम देशभरमा ढाँटेर भै सज्जन ।।
माथि जानू कमाउनू अकुत जो सम्पत्ति के गर्दछौ
आफू–आपmू मिलीमिली सबकुरा मोजमस्तीमा पर्दछौ
होचा जो निमुखा कमाइ नभाका दासत्व यस्तो किन ?
कोदालो हँसिया हलो र बिरूवा ढाँटेर भै सज्जन ।।
मुक्ति–मुक्ति त भन्दछौ जहीँतहीँ नीतिसरी जप्दियौ
भ्रमै मात्र पगारी राख जनमा आक्रोश यो थप्दियौ
मान्छे मार्न र मर्न चोरी गर्नै बालबालिका बेचन
चेलीबेटी बलात्कृतै हुन गए ढाँटेर भै सज्जन ।।
बाजे क्रान्ति गरे पिताजी मइले पुस्ता तिनै क्रान्तिमा
नेपाली जनता जुरूक्क उठ लौ बस्छौ कति भ्रान्तिमा
नेता नीतिबिना भएन मुलुकै रीति नल्याईकन
हेपिने थिचिने सधैँ तल परे ढाँटेर भै सज्जन ।।
(सुम्बेक–७, इलाम)