भरतपुर । लोक तथा दोहोरी गायक विष्णु खत्रीको नयाँ मौलिक गीत ‘मायाको बस्ती’ सार्वजनिक भएको छ। मौलिक सिर्जनाका धनी गायक तथा संकलकको रूपमा परिचय बनाउन सफल गायक खत्रीले यसपटक भने खेमन शर्माको लय तथा शब्दमा सालैजो गीत गाएका हुन्। उनलाई आवाजमा सरिता श्रीषमगरले साथ दिएकी छन्। सुमधुर क्रियशन प्रालिले दृश्य निर्माण गरेको गीतको भिडियो विष्णु खत्री नामक युट्यूब च्यानलमार्फत बिहीबार सार्वजनिक गरिएको हो।
गीतको भिडियोमा सविन गुरूङ, सरिता दान्कुटी र सगुना खत्रीको नृत्यलाई मरूभूमि नारायणले क्यामेरामा कैद गरेका छन्। होम गुरूङको निर्देशनमा तयार भएको भिडियोको सम्पादन भने रोशन धितालले गरेका छन्। समाज परिवर्तनसँगै मायाप्रीति र परदेशीको कहानीलाई मौलिक लयमा ढाल्न सिपालु खत्री करिब दुई दसकदेखि नेपाली लोक गीतसंगीतको क्षेत्रमा क्रियाशिल छन्। उनका करिब दुई दर्जनभन्दा बढी गीति एल्बम चर्चामा छन् भने सयभन्दा बढी गीतमा आवाज दिनुका साथै लय तथा शब्द संकलन गरिसकेका छन्।
Discussion about this post