गाउँखाने कथामा न्यू भिजन प्रथम

शारदानगर । संस्थागत विद्यालय अर्गनाइजेसन (आइएसओ) चितवनको आयोजना तथा जनप्रिय पब्लिक स्कुल शारदानगरको व्यवस्थापनमा आइतबार भएको अन्तरविद्यालय स्तरीय गाउँखाने कथा प्रतियोगितामा न्यू भिजन एकेडेमी शारदानगर प्रथम भएको छ ।
प्रतियोगितामा एभरेष्ट एकेडेमी द्वितीय, मिलन आमावि तृतीय र जनप्रिय आमावि शारदानगरले सान्त्वना स्थान प्राप्त गरेको छ । आइएसओ चितवनका संयोजक वेदनिधि अर्यालको अध्यक्षतामा भएको उक्त कार्यक्रममा मेट्रो प्याब्सन चितवनका वरिष्ठ उपाध्यक्ष ईश्वरबहादुर अधिकारी प्रमुख अतिथि रहेका थिए । कार्यक्रममा आइएसओ चितवनका कोषाध्यक्ष प्रशान्त गिरि, प्याब्सन चितवनका सहसचिव भानुभक्त अर्याल, आइएसओ चितवनका सचिव नरेश ढकाल, आइएसओ चितवनका उदय विक, गणेश पुरी, थानप्रसाद सुवेदीलगायत सम्पूर्ण विद्यालयका प्रधानाध्यापक तथा प्रतिनिधिहरुको उपस्थिति रहेको थियो ।