नवलपुर । राष्ट्रवादी समूह नवलपुरको आयोजनामा शनिबार मोटरसाइकल ¥याली निकालिएको छ । डण्डा बजारबाट सुरू भएको र्याली रजहरमा आएर कोणसभामा परिणत भएको थियो ।
र्यालीमा राजा आउ देश बचाउ, गणतान्त्रिक संघीयता चाहिँदैन राष्ट्रियता बेच्न पाईँदैन, भन्ने नारा घन्काउँदै विशाल मोटरसाइकल र्यालि निकालिएको थियो । मंसिर १३ गते नवलपुरको कावासोती नगरपालिकाको डण्डा बजारबाट सुरु भएको र्याली रजहर पुगेर पुनः सिजि कम्पनिको अगाडि आई कोण सभामा परिणत भएको थियो ।
राष्ट्रवादी समूह नवलपुरको आयोजनामा भएको विशाल र्यालीका सदस्यहरुले गणतन्त्रवादीको हातमा राष्ट्र सुम्पिँदा राष्ट्रियता खतरामा परेको भन्दै अब राजासहितको हिन्दु राष्ट्रको अर्को विकल्प अस्विकार्य हुने बताएका थिए ।
कोणसभामा राष्ट्रवादी समूह नवलपुरका संयोजक रामबहादुर श्रेष्ठले नेपालको वर्तमान संघीय सरकारको विकल्पमा राजतन्त्रको आगमन हुने दाबी गरे ।
उनले हिन्दू राष्ट्रको अर्को विकल्प अस्वीकार्य हुने प्रदर्शनमा राजतन्त्रको पक्षमा नारा लगाएका थिए । राष्ट्रवादीहरुले यही मंसिर २० गते चितवनमा प्रदर्शन गर्ने जनाएका छन् ।
Discussion about this post