भरतपुर । नारायणी इङ्लिस पब्लिक स्कुल कक्षा ८ मा अध्ययनरत मेघावी छात्र सन्दीप पौडेल नेसनल स्क्राबल च्याम्पियनसिपको छैटौँ संस्करणअन्तर्गत शनिबार सम्पन्न प्रतियोगिताबाट प्रथम स्थानमा रहँदै अन्तर्राष्ट्रिय प्रतियोगिताका लागि छनोट भएका छन् ।
स्क्राबल क्लब पोखराको आयोजना र अर्किड स्कुल चितवनको सहजीकरणमा सम्पन्न प्रतियोगितामा विभिन्न जिल्लाबाट छनोट भई आएका २० जना प्रतिस्पर्धीमध्ये १० जना छनोट भएका छन् । छनोट भएका प्रतियोगी आगामी जनबरीमा पाकिस्तानद्वारा आयोजना हुने नेशनल स्क्राबल च्याम्पियनसिप २०२१ मा प्रतिस्पर्धा गर्नेछन् ।
अङ्ग्रेजी शब्द मिलाउने उक्त प्रतियोगितामा नारायणी पब्लिकको यो दोस्रो राष्ट्रिय सफलता रहेको नारायणी इङ्लिस पब्लिकका अतिरिक्त क्रियाकलाप प्रमुख प्रकाश सिग्देलले बताए ।
उनका अनुसार गत वर्ष पनि यसै विद्यालयका सुदीप पौडेल अन्तर्राष्ट्रिय प्रतियोगिताको अन्तिम आठमा पर्न सफल भएका थिए ।
Discussion about this post