भरतपुर । एकीकृत नेकपा (माओवादी) चितवनले सोमबार चुनावी प्रचारप्रसारको क्रममा तीन वटा गाविस स्तरीय सम्पर्क कार्यालय सञ्चालन गरेको छ । चुनावको प्रचारप्रसारको लागि घरदैलो अभियानसमेत गरेको छ ।
पार्टीको जिल्ला सचिवालय सदस्य घनश्याम दाहाल अविनासले दिनु भएको जानकारीअनुसार पटिहानी, गीतानगर र गुञ्जनगरमा पार्टीको चुनावी सम्पर्क कार्यालय सुरू गरेको हो । उक्त कार्यालयको उद्घाटन सोही क्षेत्रका उम्मेद्वार खुसीराम पाख्रिनले गर्नु भएको हो ।
त्यसैगरी चुनावी प्रचारप्रसार अभियानअन्तर्गत गीतानगर गाविसको सुकुमबासी बस्ती र शारदानगरमा उम्मेद्वारसहितको घरदैलो कार्यक्रम पनि गरिएको छ ।
एमाओवादीले यसअघि भरतपुर नगरपालिकाका वडा नम्बर ७, ८ र मंगलपुर गाविस स्तरीय पार्टी सम्पर्क कार्यालय संचालन गरिसकेको छ ।
Discussion about this post