भरतपुर । यही असार ८ गते चितवन क्षेत्र नं. ४ मा हुने संविधानसभाको उपनिर्वाचनको प्रचारप्रसार तीव्र पारिएको छ । जिल्लामा ११ वटा दल र एक स्वतन्त्रले मनोनयन दर्ता गरेको भएपनि नेपाली काँग्रेस र नेकपा एमालेले आ–आफ्ना प्रचारलाई तीव्र बनाएको पाइएको हो ।
निर्वाचन प्रचारका क्रममा शनिबार नेपाली काँग्रेसले फूलबारीको गणेश मन्दिरमा त्यस पार्टीका उम्मेद्वार रामकृष्ण घिमिरे र काँग्रेसका शुभेच्छुकबीच अन्तत्र्रिmया कार्यक्रमसम्पन्न भएको छ ।
अन्तत्र्रिmया कार्यक्रममा लोकतन्त्र र लोकतान्त्रिक संविधान निर्माणका लागि आमपेसाकर्मीहरु, लोकतन्त्रवादीहरु नेपाली काँग्रेसका उम्मेद्वारलाई विजयी बनाउन जिल्ला सभापति टेकप्रसाद गुरुङले आग्रह गर्नुभयो । कार्यक्रममा नेपाल शिक्षक संघका धु्रवराज पोख्रेललगायतले नेपाली काँग्रेसको पक्षमा जनमत तयार पार्न जोड दिनुभएको थियो ।
कार्यक्रम प्रजान्त्रिक शिक्षक संघका समन्वय संयोजक विष्णु गौतमको अध्यक्षता सम्पन्न भएको थियो ।
त्यस्तै नेकपा एमालेले पनि निर्वाचन प्रचारप्रसारको काम तीव्र बनाएको छ । क्षेत्रका विभिन्न स्थानमा निर्वाचन प्रचार कार्यालयहरुको उद्घाटन, उम्मेदवार दिलकुमारी रावल ‘पार्वती’ सहित घरदैलो, भेला र भेटघाटलाई तीव्र पारिएको निर्वाचन परिचालन कमिटीका संयोजक जगन्नाथ थपलियाले जानकारी दिनुभयो ।
त्यस्तै वडा नंं ७ को विस्तारित बैठक शनिबारै बसेको छ । भेलाले धर्मराज प्रसाई संयोजक तथा सनत लामिछाने उपसंयोजक रहने गरी १५१ सदस्यीय प्रचारप्रसार समिति गठन गरेको छ । एमाले जिल्ला सदस्य भक्तिप्रसाद गौतमको प्रमुख आतिथ्यतामा भएको भेलाले आगामी सोमबारसम्म सबै टोल कमिटी गठन गरी निर्वाचन प्रचारको कामलाई व्यापक बनाउने निर्णय गरेको छ ।
यसैबीच, एमाले पटिहानी गाउँ कमिटीले निर्वाचन परिचालन कार्यालयको उद्घाटन गरेको छ । एमाले केन्द्रीय सदस्य देवी ज्ञवालीले कार्यालयको उद्घाटन गर्दैैै यसपटक जनताले पार्वती रावललाई जिताउने दावी गर्नुभयो । साना कम्युनिष्ट घटकहरुले समेत रावललाई सहयोग गर्नुपर्ने भन्र्दै ज्ञवालीले वामपन्थीको मतलाई विभाजित नबनाउन आग्रह गर्नुभयो ।
त्यस्तै निर्वाचन प्रचारप्रसार तथा संगठन परिचालनका लागि शनिबार भनपा १३ मा युवा भेला सम्पन्न भएको छ । जिल्ला सचिवालय सदस्य केशवप्रसाद रेग्मीको प्रमुख आतिथ्यमा भएको कार्यक्रम युवा संघ भनपा–१३ का अध्यक्ष विजेन श्रेष्ठको अध्यक्षतामा भएको थियो । सो भेलामा प्रमुख अतिथि रेग्मी, जिल्ला सदस्य पदमपाणी सुवेदी, प्रकाश ढुङ्गाना, दिलिप न्यौपानले प्रशिक्षण दिनुभएको थियो ।
यसैबीच, चित्रवन नगरपालिकाको गुञ्जनगरमा गाउँ कमिटीका अध्यक्ष गुञ्जमान विकको अध्यक्षतामा र शारदानगर गाउँ कमिटीका अध्यक्ष टीकाराम पण्डितको अध्यक्षतामा १५१ सदस्यीय निर्वाचन परिचालन कमिटी गठन गरिएको एमाले प्रचार विभागका प्रमुख अरुण पीडित भण्डारीले जानकारी दिनुभयो ।
Discussion about this post