मगर संघको साधारण सभा

गैंडाकोट । नेपाल मगर संघ इकाइ समितिको १६ औँ साधारण सभा सम्पन्न भएको छ । समितिका उपाध्यक्ष लालमाया दर्लामी मगरले स्वागत मन्तव्य राख्नु भएको कार्यक्रममा सचिव रुमकुमार मगरले प्रगति तथा कोषाध्यक्ष उत्तम बक्वाल मगर मगरले आर्थिक प्रतिवेदन प्रस्तुत गर्नुभएको थियो ।
संस्थाका अध्यक्ष शिवबहादुर पुन मगरको अध्यक्षतामा भएको कार्यक्रममा संस्थापक सदस्यहरुलाई सम्मान गरिएको थियो । नेपाल मगर संघका जिल्ला सदस्य टेकबहादुर मगरको विशेष आतिथ्यमा भएको कार्यक्रममा मगर भाषा महासंघका केन्द्रीय महासचिव उजिर राना मगर, नेपाल मगर बाँइ सेवा समाजका जिल्ला सदस्य चेतबहादुर सारु मगर, नेपाल मगर बाँइ सेवा समाज गैंडाकोटका अध्यक्ष दुर्गा पुन मगर, संस्थाका भूपू अध्यक्ष गोपाल दर्लामी मगर, दुर्गा राना मगरलगायतले शुभकामना मन्तव्य राख्नुभएको थियो ।
–सन्तोष थापा मगर (प्रशिक्षार्थी)