उज्यालोको रक्तदान

नारायणगढ । उज्यालो बचत तथा ऋण सहकारी संस्था लिमिटेड क्षेत्रपुरले आफ्नो स्थापना दिवसका अवसरमा शुक्रबार रक्तदान कार्यक्रम सम्पन्न गरेको छ ।
संस्थाका अध्यक्ष कृष्णप्रसाद शर्माको सभापतित्व एवम् नेपाल रेडक्रस सोसाइटी चितवन शाखाका मन्त्री ज्ञानशाली न्यौपानेको प्रमुख आतिथ्यमा सम्पन्न कार्यक्रममा ११ महिलासहित ४० जनाले रक्तदान गरेका थिए ।
संस्थाका सचिव सुरेन्द्र पौडेलको संयोजकत्वमा भएको कार्यक्रममा जिल्ला सहकारी डिभिजन कार्यालयका प्राचार्य केशवबहादुर थापालगायतले शुभकामना मन्तव्य राख्नुभएको थियो ।