चितवनमा कोरोनाको जोखिम कायमै, हालसम्म २२ पुगे मृतक

अन‌ि यो पनि

भरतपुर । चितवनमा कोरोना सङ्क्रमणको जोखिम कायमै रहेको छ । नयाँ सङ्क्रमित र मृतकको संख्या पनि बढिरहेको छ । स्वास्थ्य कार्यालय चितवनका अनुसार जिल्लामा हालसम्म २२ जना कोरोना सङ्क्रमितको निधन भइसकेको छ ।

स्वास्थ्य कार्यालय चितवनले जिल्लामा कोरोनाबाट निको हुनेको संख्या पनि बढिरहेको जनाएको छ । ‘कोरोनाको जोखिम त अझै पनि कायमै छ, घटेको छैन, तर सङ्क्रमित थपिने तुलनामा निको हुनेको संख्या पनि उत्तिक्कै छ’ स्वास्थ्य कार्यालय प्रमुख दीपक तिवारीले भने, ‘स्वास्थ्य मन्त्रालयले पनि उच्च जोखिमको जिल्लाभित्र चितवनलाई पनि राखेको छ, यहाँ सक्रिय सङ्क्रमित एक हजार कटिसकेको छ ।’

शुक्रबार र शनिबार लगातार चितवनमा कोरोना सङ्क्रमितको निधन भएको छ । शनिबार पुरानो मेडिकल कलेजमा उपचारको क्रममा ३५ वर्षका कोरोना सङ्क्रमित युवकको निधन भएको हो । स्वास्थ्य कार्यालय चितवनका अनुसार भरतपुर महानगरपालिका वडा नं १५ का ३५ वर्षका पुरूषको मृत्यु भएको हो ।

कलेजोमा समस्या भई अस्पताल भर्ना भएका उनलाई शुक्रबार कोरोना पुष्टि भएको स्वास्थ्य कार्यालयको भनाइ छ । अस्पतालको कोरोनाको सघन उपचार कक्षमा उपचार भइरहँदा ती पुरूषको शनिबार बिहान मृत्यु भएको अस्पतालले जनाएको छ ।

शुक्रबार पुरानो मेडिकल कलेजमै अर्का एक जना कोरोना सङ्क्रमितको मृत्यु भएको थियो । भरतपुर महानगरपालिका ११ का ७६ वर्षकी एक वृद्धाको मृत्यु भएको हो । भरतपुर ११ मा मात्रै हालसम्म ७ जनाको कोरोनाबाट मृत्यु भइसकेको छ ।

वृद्धालाई ज्वरो र स्वासप्रश्वासमा समस्या देखिएपछि असोज १० गते अस्पताल भर्ना गरिएको थियो । उनमा असोज १३ गते कोरोना सङ्क्रमण पुष्टि भएको थियो । उनको पनि आकस्मिक कक्षमा उपचारका क्रममा मृत्यु भएको थियो ।

दुई हजार १६६ पुगे सङ्क्रमित

स्वास्थ्य कार्यालयका प्रमुख दीपक तिवारीका अनुसार चितवन जिल्लामा हालसम्म दुई हजार १६६ जना सङ्क्रमित भएका छन् । हालसम्म चितवनमा एक हजार ३०३ जना निको भएर घर फर्केका छन् । अहिलेसम्म चितवनको भरतपुर महानगरपालिकामा एक हजार ३९९, माडी नगरपालिकामा ५८, राप्तीमा १४५, रत्ननगर नगरपालिकामा ३१८, खैरहनीमा १५९, कालिकामा ७४ र इच्छाकामनामा १३ जना कोरोना सङ्क्रमित भएका छन् ।

 

प्रतिकृया

मुख्य समाचार

प्रतिनिधिसभा विघटनविरुद्धको रिटमाथि बहस पुनः सुरु

काठमाडौँ । सर्वोच्च अदालतमा प्रतिनिधिसभा विघटनविरुद्ध शेरबहादुर देउवासहितका सांसदले दायर गरेको रिटमाथि पुनः आजदेखि बहस सुरु भएको छ । सर्वोच्च...

धेरै पढिएको

अन्य समाचार

प्रतिकृया