कविलास । नेकपा (एमाले)का पोलिटव्युरो सदस्य एवम् सभासद काशीनाथ अधिकारीले नजिकिँदै गरेको पार्टीको नवौँ महाधिवेशनमा जननेता मदनकुमार भण्डारीद्वारा प्रतिपादित जनताको बहुदलीय जनवादलाई प्राथमिकतामा राखेर अगाडि बढ्न सके उहाँको सपना पूरा हुने बताउनुभएको छ । नेता अधिकारीले मदनले ल्याएको जनताको बहुदलीय जनवाद नै नेपालको कम्युनिस्ट आन्दोलनको श्रेष्ठता भएको दावी समेत गर्नुभयो ।
नेकपा एमाले चितवनद्वारा कविलास–२ दासढुंगामा शनिबार सम्पन्न जननेता मदनकुमार भण्डारी र कुशल सङ्गठक जीवराज आश्रितको २१औँ स्मृति दिवसको अवसरमा आयोजित श्रद्धाञ्जली सभामा सो कुरा बताउनुभएको हो । सभामा बोल्दै नेता अधिकारीले मदन भण्डारीद्वारा प्रतिपादित जबजले कम्युनिष्ट आन्दोलनमा श्रेष्ठता हासिल गरिसकेकोले सम्पूर्ण कम्युनिस्ट सिद्धान्त बोकेकाहरू गोलबद्ध हुनुको विकल्प नरहेको बताउनुभयो ।
नेता अधिकारीले नेतालाई प्रधान नमानी विचारलाई प्रधान मानेर अघि बढे मदन र आश्रितप्रति श्रद्धाञ्जलि हुने बताउँदै मदन र आश्रितको दुर्घटनाको रहस्योद्घाटन गर्नुपर्ने बताउनुभयो । उहा“ले आसन्न नवौं राष्ट्रिय महाधिवेशनमा पनि मदन भण्डारीको विचारलाई अनुशरण गर्दै विचारलाई प्राथमिकतामा राखेर भण्डारीको सपना पूरा गर्नुपर्ने बताउनुभयो ।
कार्यक्रममा एमालेका केन्द्रीय सदस्य देवी ज्ञवालीले मदन भण्डारीको आदर्श सिद्धान्तलाई अनुशरण गरी अघि बढ्नु उहा“प्रतिको सच्चा श्रद्धाञ्जलि हुने बताउनुभयो । सो अवसरमा चितवन क्षेत्र नं. ३ का सभासद् कृष्णभक्त पोखरेलले मदन–आश्रितको हत्यारालाई कारबाही गर्न नसकिएको भन्दै मदन र आश्रितले प्रतिपादन गरेको विचारलाई व्यवहारमा लागू गर्नुपर्नेमा जोड दिनुभयो ।
एमाले चितवनका अध्यक्ष जगन्नाथ थपलियाको अध्यक्षतामा भएको कार्यक्रममा एमाले नवलपरासीका अध्यक्ष तिलक महतलगायतले बोल्नुभएको थियो ।
त्यसअघि एमाले कार्यकर्ताहरुले एमाले जिल्ला कार्यालय भरतपुरबाट मोटरसाइकल ¥याली गरी कविलासको दासढुंगा पुगेका थिए । नेता तथा कार्यकर्ताहरूले दुर्घटना स्थल दासढुङ्गामा रहेकोे मदन–आश्रितको सालिकमा माल्यार्पण गरी श्रद्धाञ्जली व्यक्त गरेका थिए ।
विसं २०५० जेठ ३ गते कास्कीको तेस्रो अधिवेशन सकेर चितवनमा हुने कार्यक्रममा सहभागी हुन आउँदै गर्दा तत्कालीन एमाले महासचिव मदन भण्डारी र कुशल सङ्गठक जीवराज आश्रितको रहस्यमय ढङ्गले दासढुङ्गामा जिप दुर्घटनामा परी निधन भएको थियो ।
Discussion about this post