प्रदिप घिमिरे
पुर्बि चितवनको खैरहनी क्षेत्रमा सञ्चालीत साक्षरताका कक्षाहरुको आज अबलोकन गरीएको छ ।जिल्ला शिक्षा कार्यालय , खैरहनी सामुदायीक अध्ययन केन्द्र र खैरहनी नमुना गाउबिकास समितिको संयुक्त आयोजनामा खैरहनीको नमुना चोक , मझुइमा सञ्चालीत दुईवटा कक्षाहरु र सुल्तनामा सञ्चालीत एउटा कक्षाको आज अबलोकन गरीएको हो । जिल्ला शिक्षा अधिकारी रमाकान्त शर्माको नेतृत्वमा गरीएको साक्षरता कक्षा अबलोकन कार्यक्रममा चितवनका सहायक जिल्ला शिक्षा अधिकारी भुमिलाल सुबेदी , सामुदायीक अध्ययन केन्द्र खैरहनीका अध्यक्ष गोपाल परीयार , खैरहनी श्रोतकेन्द्रका श्रोत ब्यक्ति सोमनाथ तिवारी , स्थानिय राजनैतिक दलका पार्टि प्रतिनिधि , स्थानिय संघ संस्थाका सरोकारवाला ब्यक्तिहरुको सहभागिता रहेको थियो ।अबलोकन कार्यक्रममा बोल्दै जिल्ला शिक्षा अधिकारी शर्माले साक्षर चितवन बनाउन आम चितवनबासीको सहयोग अपरिहार्य रहेको बताउदै निरक्षरहरुलाई साक्षर बनाउन समाजका प्रभुत्ब ब्यक्तिहरुको भुमिका महत्वपुर्ण रहने बताउनुभयो । खैरहनी क्षेत्रमा सञ्चालीत कक्षाहरुको अबस्था प्रति खुसी ब्यक्त गर्दै शर्माले सिकाईका क्रममा नजानेका बिषयहरुलाई दोहो¥याएर सोध्न आग्रह गर्नुभयो । यस्तै खैरहनी सामुदायीक अध्ययन केन्द्रका अध्यक्ष गोपाल परीयारले खैरहनी गाउबिकास समितिमा सञ्चालीत कक्षाहरुमा सर्बसाधारणको सहभागीता उत्साहजनक रहेको बताउदै साक्षरता कक्षा नियमित रुपमा सञ्चालन भईरहेको बताउनुभयो । सोहि अबसरमा आजै साक्षरता कक्षामा सहभागी ३ जना अपाङ्ग नागरीकहरुलाई दोसल्ला ओडाएर सम्मान समेत गरीएको छ । सुल्तनामा सञ्चालीत साक्षरता कक्षामा अध्ययन गरीरहेका बोल्न नसक्ने दम्पती बगडा चौधरी र सिता चौधरी , त्यस्तै दृष्टि बिहीन जितन चौधरीलाई सम्मान गरीएको हो । शारीरीक अपाङ्गगताका बाबजुत पनि शिक्षा प्राप्तिका लागी अपाङ्गता भएका ब्यक्तिहरुको सहभागीता रहेको भन्दै जिल्ला शिक्षा अधिकारी शर्माले दोशल्ला ओडाएर सम्मान गर्नु भएको हो । सन २०१५ सम्म चितवनलाई साक्षर चितवन घोषणा गर्ने अभियान अनुसार खैरहनी क्षेत्रमा अहिले ९१ वटा साक्षरता कक्षा सञ्चालन भईरहेको छ । कार्यक्रम सामुदायीक अध्ययन केन्द्र खैरहनीका अध्यक्ष परियारको अध्यक्षतामा सम्पन्न भएको हो ।
Discussion about this post