भरतपुर । अपराधिक कार्यमा पुनः सक्रिय हुन लागेको आरोप लगाउँदै चितवन प्रहरीले १६ जना युवालाई बुधबार भरतपुरको विभिन्न स्थानबाट पक्राउ गरेको छ ।
प्रहरी प्रवक्ता डीएसपी सञ्जय राउतले चमेरो र कमिला समूहका युवाहरुलाई पक्राउ गरिएको बताउनुभयो । चेमरा र कमिला समूहको नाममा विभिन्न अपराधिक घटना गराएको आरोप लगाउँदै उनीहरुलाई पक्राउ गरिएको राउतको भनाइ थियो ।
यसैबीच अनाधिकृत रुपमा पेट्रोल बिक्रीको अभियोग लागेका ६ जनालाई ५ हजारदेखि २५ हजारसम्म धरौटी बुझाइ बुधबार जिल्ला प्रशासन चितवनबाट रिहा गरिएको छ । चितवन प्रहरीले मदिरा, पुस्तक, किरानालगायतका पसलबाट अनाधिकृत रुपमा पेट्रोल बिक्री गरेको आरोपमा कालोबजारी मुद्दा चलाएको थियो ।
Discussion about this post