बुद्ध जयन्तीमा सरसफाइ

भरतपुर । भरतपुर नगरपालिका र मानव धर्म सेवा समितिको संयुक्त आयोजनामा सरसफाइ कार्यक्रम बुधबार सम्पन्न भएको छ । कार्यक्रम बेल टाँडीबाट सुरू भई बालकुमारीचोक, शहीदचोक, लायन्सचोक हुँदै मानव धर्म सेवा समाजको आश्रममा पुगेर सम्पन्न भएको थियो ।
भरतपुरका प्रमुख एवम् कार्यकारी अधिकृत नारायण सापकोटाको प्रमुख आतिथ्यमा कार्यक्रम सम्पन्न भएको थियो । सरसफाई कार्यक्रममा भरतपुर नगरपालिकाका वातावरण शाखाका बुद्धिसागर न्यौपाने, नगर प्रहरी टोली, आश्रम प्रमुख पीताम्बर वाइजी, सचिव विनोद पौडेललगायत एक सयभन्दा बढीको सहभागिता रहेको थियो । कार्यक्रममा भनपाका प्रमुख एवम् कार्यकारी अधिकृत नारायण सापकोटाले आफूले नगरलाई सुन्दर बनाउन खोजेको र त्यसमा मानव धर्म सेवा समितिले साथ दिएकोमा खुसी व्यक्त गर्नुभयो ।