उर्गेन गुम्बाको उद्घाटन

बछौली । बछौली–३ लौखानीमा निर्माण गरिएको टाँसी उर्गेन गुम्बाको बुधबार उद्घाटन गरिएको छ । गुम्बा व्यवस्थापन समितिका केन्द्रीय सदस्य दावा लामाले गुम्बाको उद्घाटन गर्नुभएको हो ।
बाघमारा मध्यवर्ती सामुदायिक वन, बछौली गाविस, जिविस, केन्द्रीय गुम्बा व्यवस्थापन समिति तथा स्थानीयको सहयोगमा १६ लाखको लगानीमा निर्माण गरिएको गुम्बा व्यवस्थापन समितिका सचिव जितबहादुर तामाङले जानकारी दिनुभयो । कार्यक्रममा गुम्बा निर्माणमा सहयोग गर्ने व्यक्ति तथा संस्थालाई सम्मान गरिएको थियो ।
गुम्बा व्यवस्थापन समितिका अध्यक्ष सोमबहादुर लोप्चनको अध्यक्षतामा भएको कार्यक्रममा बाघमारा मध्यवर्ती सामुदायिक वनका अध्यक्ष बीपी चौधरी, बछौली गाविसका सचिव तेजेन्द्रनाथ लामिछाने, मृगकुञ्ज उपभोक्ता समितिका अध्यक्ष बासुदेव चापागार्इं, समाजसेवी बासु ढुंगाना, गुम्बा व्यवस्थापन समितिका सदस्य जितबहादुर तामाङलगायतले बोल्नुभएको थियो ।