लायन्सले खोप अभियानमा सघाउने

भरतपुर । नेपालमा बालबालिकालाई लगाइने खोप अभियान सञ्चालन गर्न लायन्स क्लबले सरकारसंग सहकार्य गर्ने भएको छ ।
लायन्सले खोप अभियानका लागि आवश्यक आर्थिक र भौतिक सहयोग गर्ने भएको छ । खोपका अभावमा बालबालिकाको स्वास्थ्यमा गम्भीर असर परी मृत्युदर बढ्ने भएकाले नेपालमा पनि कार्यक्रम गरिएको लायन्स क्लब अन्तर्राष्ट्रिय डिस्ट्रिक्ट ३२५ बीटु नेपालका सेकेण्ड भाइस डिस्ट्रिक्ट गभर्नर इलेक्ट घनश्याम भट्टराईले जानकारी दिनुभयो ।
लायन्सले विकासोन्मूख देशहरुमा खोपका लागि सहयोग र सहकार्यको अभियान चलाएको छ । रूबेला, दादुरा, पोलियोका साथै अरु खोपलाई पनि प्राथमिकता दिइएको भट्टराईले बताउनुभयो । लायन्सका सदस्यहरुले घरघरमा गई सम्भावित रोग र खोपका बारेमा जनचेतना बाँड्ने र आवश्यक अन्य सहयोग गर्ने छन् । रूवेला, दादुरा खोपका लागि लायन्सले नेपाल सरकारलाई २५ करोड रूपैयाँ बराबरको भ्याक्सिन, औषधि र अरु प्राविधिक सामग्री दिइसकेको जनाएको छ ।
क्लवले आफ्ना सदस्यहरुलाई स्वयमसेवक रुपमा खोपको प्रचारप्रसार गर्न घरघरमा खटाउनुका साथै खोपकेन्द्रमा सक्रिय उपस्थिति गराएको थियो ।