नारायणगढ । नारायणगढ–मुग्लिन सडकखण्डअन्तर्गत चितवनको जुगेडीमा आज बिहान भएको सवारी दुर्घटनामा परी दुई जनाको घटनास्थलमै मृत्यु भएको छ ।
दुर्घटनामा ११ जना घाइते भएका छन् । मृत्यु हुनेमा चितवन खैरहनी गाउँ विकास समिति वडा नं ४ निवासी ६५ वर्षीया केशवमाया रावल र जुटपानी गाविस वडा नं ४ निवासी ८१ वर्षीया मैया थापा रहेको जिल्ला प्रहरी कार्यालयले जनाएको छ ।
नारायणगढबाट मुग्लिङतर्फ जाँदै गरेको ग १ ख २८०७ नम्बरको बसलाई सोही दिशातर्फ जाँदै गरेको बा ११ च १२५७ नम्बरको टाटासुमोले उछिन्ने क्रममा विपरीत दिशाबाट आउँदै गरेको ना ४ ख ५६९६ नम्बरको बससँग ठोक्किँदा दुर्घटना भएको प्रहरीले जनाएको छ ।
दुर्घटनामा परी घाइते भएका तीनवटै सवारीसाधनका घइतेको भरतपुरका दुई वटा मेडिकल कलेजमा उपचार भइरहेको छ । उनीहरूको अवस्था खतरामुक्त रहेको छ । मृतक दुवै सुमोका यात्रु रहेको प्रहरीले जनाएको छ ।
Discussion about this post