बछौली । टाँसी उर्गेन गुम्बा निर्माण गरेको खुसीयालीमा बछौलीका तामाङ समुदायले मंगलबार उत्सव मनाएका छन् । बछौली–३ लौखनीमा पहिलो पटक गुम्बा निर्माण गरेका तामाङ समुदायले भेषभुषासहितको ¥याली निकालेर उत्सव मनाएका हुन् ।
बछौलीमा पहिलो पटक गुम्बा निर्माण गरिएकोले त्यसको खुसीयाली साटासाट गर्न ¥यालीसहित नाचगान गरिएको गुम्बा व्यवस्थापन समितिका सचिव सोमबहादुर तामाङले बताउनुभयो । सौराहाको हात्तीचोकवाट सुरू भएको ¥याली गुम्बा निर्माणस्थल लौखनीमा पुगेर समापन भएको थियो ।
तामाङ समुदायको संस्कृति हेर्न सौराहा घुम्न आएका स्वदेशी तथा विदेशी पर्यटकहरुको भीड लागेको थियो । १६ लाखको लगानीमा निर्माण गरिएको गुम्बाको बुधवार उद्घाटन हँुदैछ । गुम्बा निर्माणको लागि बाघमारा मध्यवर्ती सामुदायिक वन, बछौली गाविस, जिविस, केन्द्रीय गुम्बा व्यवस्थापन समितिले आर्थिक सहयोग गरेका छन् ।
Discussion about this post