थालेसिमियका बिरामीलाई सहयोग

भरतपुर । भरतपुरमा उपचार रहेका थालेसिमियाका तीन जना विरामीको उपचारका लागी बिहीबार आर्थीक सहयोग भएको छ । शरीरमा रगत सुक्दै जाने रोगलाई थालेसिमिया भनिन्छ । रत्ननगर स्थायी घर भई वैदेशिक रोजगारीको सिलसिलामा फिनल्याण्डमा रहेका गोविन्द आचार्यसहित २२ जनाबाट संकलन गरिएको ६० हजार रुपैयाँ बिरामीका परिवारलाई हस्तान्तरण गरिएको हो ।
रत्ननगर ४ देबौली निवासी कमल चौधरीका छोरा निरज चौधरी र शरद चौधरी, स्थानीय आशा चौधरीकाछोरा आयुस चौधरी सो रोग लागेपछि उपचाररत छन् ।  गोविन्द आचार्यका बुबा यमनाथ आचार्य र श्यामबाबु बर्ताैलाले संयुक्त रुपमा सो रकम हस्तान्तरण गर्नुभएको थियो । कमजोर आर्थिक अवस्था भएका उनीहरुको उपचारमा समस्या भएपछि विभिन्न संघ संस्थाबाट व्यक्तिहरुले सहयोग गरिरहेका छन् ।