चितवन एकेडेमी विजयी

नारायणगढ । अष्टे«लियाबाट आएको क्रिकेट टिम र क्रिकेट एकेडेमी चितवन –११ का खेलाडीबीच बुधबार मैत्रीपूर्ण क्रिकेट सम्पन्न भएको छ । क्याम्पाचौरमा सम्पन्न खेलमा नेपाली क्रिकेट टोलीमा परिसकेका खेलाडीहरुको सहभागिता रहेको थियो । खेलमा चितवन एकेडेमी विजयी भएको छ ।
टस हारेर पहिले व्याटिङको निम्तो पाएको चितवन एकेडेमीका तर्फबाट आकाश थापाले ७१, निश्चल पाण्डेले ५६, खेमराज पौडेलले ६६ र सन्जोग भट्टराइले ५१ रन बनाएका थिए । ४ विकेटको क्षतिमा एकेडेमीले ३०१ रनको योगफल तयार पारेको थियो ।
मैत्रीपूर्ण हिसावले ३५ ओभरको खेल खेलाइएको नेपाली टिमका पूर्वकप्तान
एवम् एकेडेमीका प्रशिक्षक राजु खड्काले बताए । ३०२ रनको लक्ष्य पछ्याएको अष्टे«लियन टिम ३२.३ ओभरमा अल आउट हुँदा २०२ रनमै समेटिएको थियो । उसका लागि मिलले ३७, निकले १२, स्टभर्टले १७,
पउलले १७ र कैलाशले १५ रन जोडेका थिए ।
चितवन एकेडेमीका लागि संघर्ष पौडेलले ३, सुशील कँडेलले ३ र निश्चल पाण्डेले २ विकेट लिएका थिए । म्यान अफ द म्याच आकाश थापा भएका थिए । अष्टे«लियामा क्लबका तर्फबाट क्रिकेट खेलिरहेकाहरुको सहभागितामा मैत्रीपूर्ण खेल आयोजना गरिएको चितवन क्रिकेट संघका अध्यक्ष कैलाश प्रधानले बताए ।