रत्ननगर । गरिबीले पढ्न लेख्न नपाएका विकट गाउँका चेपाङ बालबालिकाहरु राखिएको गामवेशी चेपाङ घरलाई चितवनका व्यवसायी गौरीश्वर सापकोटाले र लेखराज पन्तले रिक्सा प्रदान गरेका छन् ।
चेपाङ घरमा भएका अपा¨ बालबालिकालाई विद्यालय जान र आउनका लागि समस्या भएपछि व्यवसायीद्वय सापकोटा र पन्त मिलेर रिक्सा सहयोग गरेका हुन् । गौरीश्वर सापकोटा र उहाँकी धर्मपत्नी कमला सापकोटाले आफ्नो वैवाहिक जीवनको १५ औं वर्षगाँठको अवसरमा रिक्सा प्रदान गरेका हुन् ।
गरिब बालबालिकासँग कार्यक्रम गर्दा सन्तुष्टी मिल्ने भन्दै सापकोटा दम्पतीले चेपाङ घरमा कार्यक्रमको आयोजना गर्नुभएको हो । गौरीश्वर सापकोटाले अघिल्लो वर्ष पनि गामवेशी चेपाङ घरका बालबालिकालाई भोज गराएर विवाहको वर्षगाँठ मनाउनुभएको थियो ।
रिक्सा भएपछि अपा¨ता भएकाहरुलाई पढ्न जान सजिलो हुने गामबेशी चेपाङ घरका अध्यक्ष केपिकिरण शर्माले बताउनुभयो । त्यस्तै, अर्का व्यवसायी लेखराज पन्तले चेपाङ बालबालिकालाई पढाउने काममा आफूले पनि सहयोग गर्न पाएकोमा खुसी व्यक्त गर्नुभयो । उहाँले चेपाङ बालबालिकहरुलाई सूचना र मनोरञ्जनका लागि भन्दै चार वटा रेडियोसमेत प्रदान गर्नुभयो । व्यवसायीसँग जानुुभएकी भनपा १२ की बसन्ती पोडेलले पनि चेपाङ बालबालिकाको अवस्था देखेर एक बोरा चामल र एउटा रेडियो सहयोग गर्नुभएको छ ।
Discussion about this post