भ्रष्टाचारविरूद्ध कलाकारको व्यंग्य

नारायणगढ । हास्यव्यंग्य कलाकार मनोज गजुरेल कविहरु अर्जुन पराजुली, लक्ष्मण गाम्नागे, धीरेन्द्र प्रेमर्षिले भ्रष्टाचार र विकृत राजनीतिप्रति व्यंग्य गर्दै आफ्नो कला प्रस्तुत गरेका छन् । कार्यक्रममा गायक शिशिर योगीले देशभक्ति झल्कने गीत प्रस्तुत गरेका थिए । गजुरेलले व्यंग्य भाषण तथा कविहरुले व्यंग्य कविता प्रस्तुत गरेका थिए ।
प्रस्तुति हास्यव्यंग्य क्षेत्रमा नाम कहलिएको संस्था सिस्नुपानी नेपालले चितवनको साहित्य संस्था अक्षर समूहको संयोजनमा बिहीबार नारायणगढको नारायणी कलामन्दिरमा कार्यक्रम गरेकोे हो ।
भ्रष्टाचारविरूद्धको सरकारी निकाय राष्ट्रिय सतर्कता केन्द्रको सहयोगमा सिस्नुपानीले कार्यक्रम आयोजना गरेको हो । कार्यक्रममा भ्रष्टाचार विरोधी सन्देशहरु प्रस्तुत गरिएको थियो । स्थानीय रुपमा कवि धनराज गिरी र गायक सहन प्रधान तथा अश्मिन घिमिरेको प्रस्तुति पनि सामेल गराइने भुपिनले बताए । कार्यक्रममा नेपाल सरकारका मुख्य सचिव लीलामणी पौडेलले सवैले आआफ्नो पेशामा इमान्दार भएर काम गरे भ्रष्टाचार स्वत कम हुने वताउनुभयो । अत्तरियाबाट, नेपालगञ्ज, दाङ, बुटबल हुँदै बिहीबार हुने चितवनमा अन्तिम कार्यक्रम गरिएको थियो ।