भरतपुर । शिक्षामन्त्री चित्रलेखा यादवले समयमा बजेट निकासा हुन नसक्दा पाठ्यपुस्तकको अभाव भएको बताउनुभएको छ ।
नेपाल प्रेस युनियन चितवन महिला विभागले मंगलबार भरतपुरमा आयोजना गरेको पत्रकार सम्मेलनमा मन्त्री यादवले पाठ्यपुस्तक छाप्न जनक शिक्षा सामग्री केन्द्रलाई आवश्यक बजेट समयमा दिन नसक्दा यस्तो समस्या आएको बताउनुभयो ।
पाठ्यपुस्तक छाप्न आवश्यक बजेट साउनभित्रै दिइसक्नुपर्ने उहाँको भनाइ थियो । वैशाख महिनाभित्र विद्यार्थीलाई पुस्तक उपलब्ध गराइसक्ने तयारीमा सरकार रहेको बताउँदै आउँदो शैक्षिक सत्रबाट पाठ्यपुस्तकको समस्या नहोस् भन्नका लागि अहिलेदेखि नै काम थाल्ने उहाँको भनाइ थियो ।
उहाँले अस्थायी शिक्षकहरुको मागप्रति सरकार सकारात्मक रहेको र त्यो पूरा गर्न सरकार गम्भीर ढङ्गले लागेको बताउनुभयो ।
Discussion about this post