परासी । नवलपरासीको सदरमुकाममा रहेको जिल्ला पृथ्वीचन्द्र अस्पताल परासीमा भाइरल फिबरका बिरामीको सङ्ख्या बढेको छ । गर्मीयामको सुरुवातसँगै बिरामीको सङ्ख्या बढेको अस्पतालले जनाएको छ ।
अस्पतालका अनुसार दैनिक ४० देखि ५० जना यो रोगका बिरामी उपचारका लागि अस्पताल आउने गरेका छन् । अस्पतालले बिरामीहरूको उपचार र परामर्शसमेत दिने गरेको अस्पताल प्रमुख चिकित्सक नुरुल होदाले जानकारी दिनुभयो । परासी र आसपासका बिरामीको अस्पतालमा अत्यधिक चाप बढेपछि उपचारका क्रममा बिरामीलाई दिइने औषधिमा भने कमी आएको र अधिकांश औषधि बाहिर मेडिकलमा किन्नु परेको बिरामीले गुनासो गरेका छन् । रासस
Discussion about this post