पिठुवा । पूर्र्वीचितवनको पिठुवा ८ स्थित विन्देश्वरी निम्न माध्यमिक विद्यालयमा अध्ययनरत चेपाङ विद्यार्थीहरुलाई रोटरी क्लब अफ नारायणगढले आइतबार शैक्षिक सामग्री सहयोग गरेको छ ।
चेपाङ छात्रावासमा आवासीय रुपमा अध्ययन गरिरहेका २७ जना
चेपाङ विद्यार्थीहरुका क्लबले कापी, कलम, झोला, पंखा गरी २५ हजार रुपैयाँ बराबरको शैक्षिक सामग्री वितरण गरेको हो । विद्यालयमा आयोजित एक कार्यक्रमकाबीच क्लबका पदाधिकारीहरुले विद्यालयका प्रधानाध्यापक भीमप्रसाद खनाललाई शैक्षिक सामग्री हस्तान्तरण गरेका हुन् ।
रोटरी क्लव अफ नारायणगढका अध्यक्ष दिलिप पियाको अध्यक्षता तथा रविन्द्रकुमार पियाको प्रमुख आतिथ्यतामा कार्यक्रम भएको थियो । कार्यक्रममा उत्तमलाल चुके, इन्जिनियर भोजराज कौडेल, जीवन पिया, ऋषि न्यौपाने, मनु शर्मा, रोशन पिया, मन पिया, रिता कँडेल, विद्यालय व्यवस्थापन समितिका पूर्वअध्यक्ष एवम् जग्गादाता धनबहादुर वाइबा, विद्यालयका शिक्षक ईश्वरप्रसाद खनाल लगायतले मन्तव्य व्यक्त गर्नु भएको थियो ।
Discussion about this post