भरतपुर, । नेकपा एमाले वडा नम्बर १३ ले स्वर्गीय चतुराखर खनालको १३औं दिनको पुण्य तिथी पारेर श्रद्धाञ्जली सभा सम्पन्न गरेको छ । कार्यक्रममा प्रमुख अतिथी संविधानसभाका सदस्य तथा नेकपा एमाले चितवनका उपाध्यक्ष कृष्णभक्त पोखरेलले खनाल सबैको अभिभावक भएको बताउँदै उनले समाज परिवर्तनका लागि गरेको योगदानको सबैले सम्मान गर्नुपर्ने बताए ।
कार्यक्रममा एमाले चितवनका सचिव तेजेन्द्र खड्काले खनालको व्यक्तित्व माथि चर्चा गर्दै असल समाजसेवी गुमाउनु पर्दा मर्माहित भएको धारणा राखे । एमाले चितवनकी सहसचिव एवम् महिला अधिकारकर्मी पार्वती रावलले जन्मदै मान्छेले मृत्यु लिएर आएको हुनाले खनालको स्वर्गारोहणपछि शोकलाई शक्तिमा बदलेर उहाँको पदचाप पछ्याउनु पर्ने बताइन् । उक्त शोकसभामा नेकपा एमालेका सचिवालय सदस्य पदमपाणि सुबेदी, नेपाली काँग्रेस क्षेत्र नम्बर ४ का क्षेत्रीय सदस्य लेखनाथ सुबेदी, नेपाल रेडक्रस सोसाइटी चितवन शाखाका सभापति हरिप्रसाद न्यौपानेलगायतले बोलेका थिए ।
Discussion about this post