नारायणगढ मुग्लिन सडक : १५ वटा पुलको निर्माण कार्य सुरू

अन‌ि यो पनि

भरतपुर । नारायणगढ–मुग्लिन सडकखण्डका १५ वटा पुलको निर्माणको प्रक्रिया अघि बढेको छ । बोलपत्र आह्वान भई सम्झौतासमेत भइसकेको छ ।

सडक विभागको पुल महाशाखा प्रमुख दीपक भट्टराईका अनुसार अनक कन्स्ट्रक्सनलाई ३३ महिनामा काम सम्पन्न गर्ने गरी सम्झौता गरिएको छ । सो कम्पनीले पुलको डिजाइन र निर्माण गर्नेछ । यसका लागि रू एक अर्ब २७ करोड पाँच लाखमा सम्झौता भएको उनले जानकारी दिए ।

सम्झौतासँगै सो कम्पनीले सर्भेको काम थालेको छ । उनका अनुसार डिजाइनका लागि नौ महिनाको समय दिइएको छ । महाशाखाले डिजाइनलाई अनुमोदन गरेपछि पुल निर्माणको काम अघि बढ्नेछ । सो सडकको मुग्लिनबाट नारायणगढतर्फ आउँदाका तीन पुल खहरे खोला, चिसेन्जी र तुइन खोलाको चौडाइ नौ मिटर रहनेछ भने अन्य सबै पुलको ११ मिटर हुने उनले जानकारी दिए । ती तीन पुल अफ्ठ्यारो ठाउँमा भएकाले चौडाइ कम भएको हो ।

पुलमा दोहोरो सवारीसाधन गुडेर छेउछेउमा फुटपाथ हुनेछ । लकडाउनका कारण तीव्र गतिमा काम गर्न नपाएको भए पनि ठेकेदार कम्पनीले आन्तरिक तयारी गरिरहेको छ । ती पुल विश्व बैंकको आर्थिक सहयोग प्राप्त हुने गरी निर्माण गर्न लागिएको हो । विश्व बैंकको प्रोग्राम फर रिजल्ट परियोजनाअन्तर्गत पुल निर्माण सम्पन्न भएपछि मूल्याङ्कन (भेरिफिकेसन) गरेरमात्र ऋण रकम भुक्तानी दिने गरी पुल बनाउन लागिएको उनले जानकारी दिए ।

यसअघि सो सडकखण्डका चारवटा पुल निर्माण थालिएकामा तीनवटा सम्पन्न भएको छ भने एउटा निर्माणाधीन रहेको छ । सो सडक आयोजनाका सूचना अधिकारी इन्जिनियर शिव खनालका अनुसार बन्दै गरेको जलबिरेको पुलको ७४ प्रतिशत काम सम्पन्न भएको छ । लकडाउनसँगै कामदार नभएकाले काम प्रभावित भएको उनले जानकारी दिए ।

सो सडकखण्ड विस्तार गरी नौ मिटरदेखि ११ मिटरसम्म फराकिलो बनाइएको छ । यद्यपि पुल भने पाँचदेखि छ मिटर फराकिलो रहेका छन् । सडक फराकिलो र पुल साँघुरोसँगै जीर्ण हुँदा समस्या हुँदै आएको छ । समयमा काम भएमा अबको ३३ महिनापछि सो सडकका सबै पुल फराकिला र मजबुत हुनेछन् ।

यो सडक विस्तारसँगै पहिरो खस्न रोक्ने काम अन्तिम चरणमा पुगेको छ । चार किलो बाहेकका ठाउँमा पहिरो खस्न रोक्ने काम पनि सम्पन्न भएको खनालले जानकारी दिए । यसै सडक हुँदै राजधानी प्रवेश र बाहिरिने गरिन्छ । यो सडकमा दैनिक १० हजार हाराहारी सवारीसाधन गुड्ने गर्दछन् ।

प्रतिकृया

मुख्य समाचार

उपत्यकामा आजदेखि बार तोकेर पसल सञ्चालन, निजी सवारीमा जोरबिजोर प्रणाली

काडमाडौँ । काठमाडौँ उपत्यकामा निषेधाज्ञा थप खुकुलो पार्दै आजदेखि निजी सवारी साधनमा जोरबिजोर प्रणाली लागू गरिएको छ । उपत्यका...

धेरै पढिएको

अन्य समाचार

प्रतिकृया