नवलपुरको बालमैत्री नगरपालिकामै १६ बर्षीया सुत्केरीको मृत्यु

अन‌ि यो पनि

नवलपरासी, २४ जेठ । पूर्वी नवलपरासीको देवचुली नगरपालिकामा १६ बर्षीया सुत्केरी आमाको अत्यधिक रक्तश्रावका कारण निधन भएको छ ।

देवचुली नगरपालिका बालमैत्री नगरपालिका हो । देवचुली नगरपालिका–९ निवासी १६ बर्षीया एक महिने सुत्केरी आमा शान्ति आलेको अत्यधिक रक्तश्रावका कारण निधन भएको देवचुली नगरपालिकाका बालमैत्री परामर्शदाता खिमानन्द भुसालले जानकारी दिए ।

देवचुली नगरपालिका ९ का वडा अध्यक्ष मेखबहादुर सारुका अनुसार उनको जेठ २२ गते राति निधन भएको हो । उनको बच्चा भने जीवितै र स्वास्थ्य रहेका छन् । वडाध्यक्ष सारुका अनुसार बैशाख १६ गते भरतपुर अस्पतालमा सुत्केरी भएका उनी शुरुमा स्वस्थ्य थिए घर आएको केही दिन पछि विरामी हुन थाले पछि उनलाई उपचारका लागि भरतपुर अस्पताल लगिएको थियो ।

अध्यक्ष सारुले अत्यधिक रक्तश्रावका साथै निमोनिया, टाउको दुख्ने र दीर्घ रोग समेत रहेका कारण उनको निधन भएको अस्पतालले जनाएको बताए । अहिले निधन भएको आलेको पनि १५ बर्षको उमेरमा १७ बर्षका युवक सुदिप महतोसँग प्रेम विवाह भएको थियो । कक्षा ७ र कक्षा ९ मा पढ्ने केटाकेटीबीच प्रेमपछि गर्भवती भएकै कारण उनीहरुको विवाह भएको बालमैत्री परामर्शदाता खिमानन्द भुसालले बताए ।

प्रतिकृया

मुख्य समाचार

‘सुस्तः श्रवण बालबालिकाको ‘तारा’ हुनुहुन्थ्यो, कोरोनाले चुँड्यो’

भरतपुर । ‘सुस्तः श्रवणका विद्यार्थीसँग कुनै हाउभाउ छैन । उनीहरु निशव्द छन् । अभिभावकविहीन महसुस गरेका छन् । बोल्न...

धेरै पढिएको

अन्य समाचार

प्रतिकृया