बालिका र वृद्धवृद्धासँग भोजन

भरतपुर । चितवनका चर्चित युवा व्यवसायी तथा समाजसेवी राजन कार्कीले नववर्ष २०७१ को अवसरमा सय भन्दाबढी बालबालिका तथा वृद्धवृद्धालाई भोजन गराउनुभएको छ । युवा व्यवसायी तथा समाजसेवी कार्कीले रामजानकी बालिका आश्रममा रहेका तथा रोटरी करूणालय वृद्धाश्रममा आश्रित सयभन्दा बढीलाई भोजन गराउनु भएको हो ।
वृद्धवृद्धा तथा बालिकाहरुलाई खाना खुवाउन पाउनु आफ्नो सौभाग्य भएको कार्कीले बताउनुभयो ।
कार्यक्रममा रामजानकी बालिका आश्रमका संयोजक सावित्री टण्डनले बालिकाहरुलाई खान खुवाएर सामाजिक उत्तरदायित्वबोध गरेको भन्दै समाजसेवी कार्कीलाई धन्यवाद दिनुभयो । समाजसेवा गर्नका लागि धनमात्र नभएर मन पनि चाहिने भएकोले समाजिक दायित्वबोध गर्दै उदारता प्रस्तुत गरेकोप्रति कार्कीलाई धन्यवाद दिनुभयो ।