कार्यालयहरुमा विद्युतीय हाजिरी मेसिन जडान

भरतपुर । चितवनका सरकारी कार्यालयलहरुले विद्युतिय हाजिरी मेसिन जडान गर्ने भएका छन् । निजि कम्पनी तथा कार्यालयहरुमा यदाकदा देखिएको विद्युतिय हाजिरी मेसिनलाइ जिल्लाका सरकारी कार्यालयहरुले पनि  जडान गर्ने तयारी गरेका हुन् ।
‘कार्यालय प्रमुखहरुको वैठकले नै विद्युतिय हाजिरी मेसिन जडान गर्ने निर्णय गरेको हो’, हालै सम्पन्न कार्यलय प्रमुखहरुको वैठकले गरेको निर्णयका वारेमा जानकारी दिदै चितवनका सहायक प्रमुख जिल्ला अधिकारी शिवराम गेलालले भने,  ‘कतिपयले यसै आर्थिक वर्ष
(२०७० । ७१ मा र कतिपयले आगामी आर्थिक वर्ष २०७१ ।७२ मा विद्युतिय हाजिरी मेसिन जडान गर्ने तयारी गरि रहेका छन् ।’
सरकारी कार्यालयमा यो मेशीन अहिले जिल्ला प्रशासन कार्यालय चितवनमा रहेको छ । चैत महिनावाट शुरु गरिएको विद्युतिय हाजिरी प्रणालीले कर्मचारीलाइ समयमा कार्यालय आउन र समय सम्म कार्यालयमा वस्नका लागि समेत वाध्य पारेको वताइएको छ ।
‘कर्मचारीहरुलाइ जवाफदेही वनाएको छ’, कार्यालयको अनुभव सुनाउदै प्रशासकिय अधिकृत शेषकान्त पौडेलले भने, ‘ कार्यलयको काम प्रभावकारीता भएको महसुस
गरेका छौ ।’
चितवनमा अहिले ४३ वटा सरकारी कार्यालय रहेका छन् । मेसिनमा वुढी औलाले थिचे त्यो कर्मचारीको औठाको छाप सहित कार्यालयमा उपस्थित भएको जनाउ गर्ने छ । हाजिर गर्दा वा कार्यालयवाट निश्कदा सो मेसिनमा वुढी औला राख्नुपर्ने र त्यो कर्मचारी आए
गएको समय त्यो मेसिनले कम्युटरमा दिने छ ।
‘काम र समय छल्ने कर्मचारीलाइ यसले रोक्छ’, एक अधिकृतले भने । अहिले वजारमा यस्तो मेसिनको मूल्य सफट्वेयर सहित डेड लाख रुपैयाँ पर्ने बताइएको छ । चितवनका कार्यालयहरुले वजेटको व्यवस्था गरेर यसै वर्षदेखि यो जडान गर्न लागेका हुन् ।