चितवन हिरो स्थगन

भरतपुर । विजनेश लहर साप्ताहिकका प्रधानसम्पादक तथा प्रकाशक रामेश्वर रिजालले विज्ञप्ति जारी गर्दै चितवन हिरो २०७० अन्तर्गत विभिन्न १३ विधाबाट ९१ जना विभिन्न संघ संस्थाहरुको साझा फोरम जुरी निर्माण गरी पवित्र हृदयका साथ मनोनयन गरी नयाँ ढंगले अभियान सञ्चालन गर्न लागिएको जनाएका छन् ।

अभियानको उद्देश्य चितवनका चर्चित व्यक्तित्वलाई हिरो बनाउनुमात्र नभई समग्र चितवनलाई राष्ट्रिय, अन्तर्राष्ट्रिय रुपमा चिनाउनु मूल स्वार्थ रहेको भन्दै उनले चितवन हिरो २०७० मा मनोनयनमा पर्ने सबैप्रति आभार प्रकट गरेका छन् । केही व्यक्तिहरुको असन्तुष्टिका बाबजुद कार्यक्रमलाई भव्य र व्यापक बनाउने तयारी भए पनि विशेष कारणवश केही समयका लागि स्थगित गर्नु परेकोमा आत्मालोचना गरेका उनले विज्ञप्तिमा भनेका छन्, ‘अभियानबाट प्राप्त हुने रकम अनाथ, असहाय बालबालिका र पत्रकार भलाई कोषका लागि खर्च गरिने छ ।’