हिमचितुवा र रातो हाब्रे खतरापूर्ण सूचीमा

काठमाडौँ । नेपालको राष्ट्रिय सम्पदाका रूपमा रहेको वन जङ्गल एवम् खतरापूर्ण स्थितिमा रहेका जीवजन्तुको संरक्षण गर्ने कार्य चुनौतीपूर्ण रहेको यहाँ आयोजित कार्यक्रमका वक्ताले बताउनुभएको छ ।
नेपाल बोटानिकल सोसाइटी र नेपाल पर्यटन बोर्डको संयुक्त तत्वावधानमा बुधबार आयोजित कार्यक्रममा उहाँहरूले हिमचितुवा तथा रातो हाब्रेजस्ता खतरापूर्ण सूचीमा रहेका जन्तुको सुरक्षा गर्नुपर्नेमा जोड दिनुभयो ।
कार्यक्रममा वेस्र्टन केन्थुकी युनिभर्सिटी अमेरिकाका प्रा डा जोन अलले नेपालमा रहेका विभिन्न जाति र प्रजातिका वन्यजन्तु मुलुकको सम्पत्तिका रूपमा रहेको बताउँदै यसको संरक्षणमा सरकारको ध्यान जानुपर्ने बताउनुभयो । रोयल बोटानिक गार्डेन बेलायतका प्रा डा मार्क एफ वास्टनले सगरमाथा राष्ट्रिय निकुञ्जमा भएका थुपै्र खतरापूर्ण सूचीमा रहेका वन्यजन्तु लोप हुने स्थितिमा पुगेकामा चिन्ता व्यक्त गर्नुभयो । रासस